Minskaje «Dynama» apuściłasia na dno
Goals.by
Słavacki «Słovan» pieramoh siońnia ŭ haściach chabaraŭski «Amur» ź likam 5:2 i pakinuŭ apošni radok u turnirnaj tablicy Zachodniaj kanfierencyi, kudy apuściłasia minskaje «Dynama».
1. SKA — 27 (11 hulniaŭ), 2. Dynama Maskva — 22 (11), 3-4. Danbas, Spartak — 19 (11), 5-6. Dynama Ryha, Leŭ — 18. 7. Miedvieščak — 17 (12), 8. CSKA — 16 (11), 9. Viciaź — 13 (11), Sievierstal — 13 (10), 11. Atłant — 12 (10), 12. Słovan — 10 (12), 13. Łakamatyŭ — 10 (10), 14. Dynama Minsk — 7 (10).
Minčuki ŭ dziesiaci hulniach pieramahli ŭ dźviuch sustrečach, prajhrali ŭ vaśmi (adna paraza ŭ aviertajmie). Učora, nahadajem, «Dynama» prajhrała na «Minsk-Arenie» kazachstanskamu «Barysu» ź likam 2:5.
Aproč taho, dadaje Goals.by, rezka źniziłasia i naviedvalnaść chatnich matčaŭ biełarusaŭ.
Siaredniaja naviedvalnaść na matčach minskaha «Dynama» na starcie rehularnaha čempijanatu KCHŁ składaje 9 234 hledačoŭ, heta na 5 065 mienš? čym u minułym hodzie (14 299).
Na ŭčorašni matč z «Barysam» pryjšli naohuł 7 825 hledačoŭ.
2 kastryčnika «Dynama» hulaje doma z «Juhroj» (Chanty-Mansijsk).