U ZŠA aryštavali chakieista NCHŁ Varłamava, jaho vinavaciać u vykradańni dziaŭčyny
U Denviery rasijski hałkipier chakiejnaha kłuba «Kałarada Eviełanš» Siamion Varłamaŭ dobraachvotna zdaŭsia palicyi, paśla taho jak byŭ vypisany order na jaho aryšt.
Varłamaŭ padazrajecca ŭ chatnim hvałcie i źmieščany ŭ akruhovuju turmu Denviera, paviedamlaje Bi-bi-si.
«Order na aryšt vydadzieny pa abvinavačvańni ŭ vykradańni druhoj stupieni 4-ha kłasa, i ŭ napadzie treciaj stupieni 1-ha kłasa», — udakładniŭ pradstaŭnik denverskija palicyi.
Paciarpiełaj ad dziejańniaŭ Varłamava akazałasia «dziaŭčyna, jakaja była ź im u intymnych adnosinach», paviedamiła ahienctva Asašyejted Pres sa spasyłkaj na zajavu palicyi Denviera.
Jaje imia ŭ palicyi nie nazvali, paviedamiŭšy tolki pra toje, što incydent adbyŭsia 29 kastryčnika.
Pa dadzienych rasijskich ŚMI, dziaŭčynaj chakieista źjaŭlajecca rasijskaja madel Jaŭhienija Vaŭryniuk.
Sama jana napisała na svajoj staroncy ŭ sacyjalnaj sietcy «Vkontaktie»: «Kali mužčyna padniaŭ ruku — jon paŭtoryć heta. I nijakija jahonyja ŭhavory i klatvy nie pavinny pierakonvać žančyn ŭ hetym».
Miž tym advakat Vaŭrvniuk Robiert Adams paviedamiŭ u intervju telekanału CBS, što dziaŭčyna atrymała mocny ŭdar i ŭ ciapierašni čas špitalizavana.
Kamientaroŭ nie budzie
U administracyi turmy zajavili, što źmiaścili Varłamava ŭ adzinočnuju kamieru, tak jak «jon źjaŭlajecca znakamitaściu», paviedamlaje sajt Nacyjanalnaj chakiejnaj lihi.
Varłamavu dazvolena karystacca ŭ turmie mabilnym telefonam, adnak ad kamientaryjaŭ dla presy jon admoviŭsia.
«U mianie niama nijakaj infarmacyi ni pra stan achviary, ni pra toje, što mienavita adbyłosia pamiž achviaraj i padazravanym», — zajaviŭ pradstaŭnik palicyi, dadaŭšy, što jamu nieviadoma, adkul Varłamaŭ zahadzia daviedaŭsia, što na jaho vypisany order na aryšt.
«Liha paviedamlena ab situacyi Siamionam Varłamavym, — paviedamiła pres-słužba NCHŁ. — My nie budziem kamientavać da taho času, pakul situacyja nie prajaśnicca i nie stanuć viadomyja ŭsie fakty i abstaviny, źviazanyja z abvinavačvańniem ŭ kryminalnym złačynstvie».
Kłub «Kałarada Eviełanš» i hałoŭny trenier kamandy Patryk Rua taksama pakul admaŭlajucca ad jakich-niebudź kamientaroŭ.
25-hadovy Siamion Varłamaŭ źjaŭlajecca adnym z hałkipieraŭ zbornaj Rasii i hałoŭnym varatarom svajho kłuba ŭ hetym siezonie. Jon pierajšoŭ u «Kałarada Eviełanš» u 2011 hodzie. Da hetaha jon vystupaŭ za «Vašynhton Kepitałz».
Ad dvuch da šaści
Zakanadaŭstva štata Kałarada vyznačaje vykradańnie druhoj stupieni jak sprobu zachapić i pieramiaścić jakoha-niebudź čałavieka z adnaho miesca ŭ inšaje bieź jaho zhody abo zakonnaha na toje prava.
Da hetaha typu vykradańnia staviacca sproby zabrać abo chavać dzicia ad jaho baćkoŭ bieź ich dazvołu. Čaćviorty kłas złačynstva aznačaje samuju lohkuju stupień parušeńnia zakona — heta značyć vykradalnik adpuściŭ achviaru, nie pahražaŭ zbrojaj, nie źbiraŭsia pradavać kaho-niebudź u rabstva i nie zadumvaŭ seksualnaha hvałtu.
Takim čynam, sa słoŭ pradstaŭnika palicyi možna zrabić vysnovu, što za vykradańnie Siamionu Varłamavu pahražaje ad dvuch da šaści hadoŭ źniavoleńnia ŭ turmie, kali jon budzie pryznany vinavatym.
Abvinavačvańnie ŭ chatnim hvałcie dadajecca ŭ order na aryšt aŭtamatyčna, kali havorka idzie ab kanfliktach u kole siamji ci siarod ludziej, jakija znachodziacca ŭ intymnych adnosinach, dadaŭ pradstaŭnik palicyi Denviera.
Paźniej Varłamaŭ byŭ vyzvaleny pad załoh u 5 tys. dalaraŭ.
Jon moža dalej hulać u NCHŁ