U pieršakurśnikaŭ skrali stypendyju
Jak paviedamiŭ "Źviaździe" rektar Viciebskaj vieterynarnaj akademii Anton Jatusievič, złačynstva adbyłosia padčas abiedziennaha pierapynku, kali praktyčna ŭ pamiaškańniach vučebnaha korpusa nie było ludziej. Niechta zdoleŭ adčynić mietaličnyja dźviery z dvuma zamkami i ŭzłamać siejf. Kasa znachodzicca ŭ hałoŭnym korpusie akademii, u budynku pa vulicy Davatara. Jak adznačyŭ rektar, hrošy pryznačalisia dla studentaŭ pieršaha kursa, jakija, u adroźnieńnie ad inšych studentaŭ, jašče nie majuć płastykavych bankaŭskich kartak. Pavodle atrymanaj infarmacyi, skradziena kala 70 miljonaŭ biełaruskich rubloŭ. Pamier stypiendyi dla lepšych studentaŭ składaje 136 tysiač biełaruskich rubloŭ. A dla astatnich — 80—90 tysiač.