Dziaržaŭny kamitet pahraničnych vojskaŭ Biełarusi pierajmienavany ŭ Dziaržaŭny pahraničny kamitet
Dziaržaŭny kamitet pahraničnych vojskaŭ Biełarusi pierajmienavany ŭ Dziaržaŭny pahraničny kamitet, a pahraničnyja vojski - u orhany pahraničnaj słužby. Adpaviedny ŭkaz kiraŭnik dziaržavy padpisaŭ 25 vieraśnia, paviedamili BIEŁTA u pres-słužbie prezidenta.
Nieabchodnaść pryniaćcia dakumienta abumoŭlena tym, što za hady, što minuli z momantu ŭtvareńnia pahraničnych vojskaŭ Biełarusi, abstanoŭka ŭ śviecie i situacyja vakoł krainy, na jaje dziaržaŭnaj hranicy istotna źmianilisia. Na etapie stvareńnia pierad pahraničnym viedamstvam stajali zadačy pa zabieśpiačeńniu suvierenitetu i terytaryjalnaj cełasnaści Respubliki Biełaruś. Ciapier niekalki pašyrylisia i jakasna źmianilisia napramki dziejnaści pahraničnaha kamiteta. Pryjarytetnaje značeńnie nabyvaje vykanańnie pahraničnaj słužbaj pravaachoŭnych funkcyj pa zabieśpiačeńniu na dziaržaŭnaj hranicy nadziejnaj pieraškody transhraničnaj złačynnaści.