Pieralot Minsk — Vilnia — Minsk budzie kaštavać ad 62 jeŭra. Pačatak rejsaŭ 19 śniežnia
Pra heta paviedamlajecca na aficyjnym sajcie kampanii «Biełavija».
Siońnia raniej paviedamlałasia, što avijarejs Minsk — Vilnia — Minsk budzie vykonvacca ad 19 śniežnia i stanie kirunkam u maršrutnaj sietki avijakampanii.
Paloty ŭ Vilniu buduć rabicca pieravažna na samalotach CRJ-100/200 vosiem razoŭ na tydzień. Čas u šlachu - 40 chvilin.
U paniadziełak, čaćvier, subotu i niadzielu buduć ažyćciaŭlacca ranišnija rejsy, pa paniadziełkach i piatnicach — u 19.15, u subotu i niadzielu — u 17.10.
Paloty buduć rabicca ŭ Vilenski aeraport. Cana pieralotu ŭ ekanamičnym kłasie absłuhoŭvańnia składaje ad 62 jeŭra «tudy - nazad» (aeraportavyja taksy i zbory ŭklučany).
Zaznačym taksama, što ciapier cana kvitka na ciahnik da Vilni kaštuje ad 141 da 279 tys. rubloŭ (ranišnim ciahnikom, heta ad 11 da 22 jeŭra) u adzin bok, i 161 700 rubloŭ viečarovym ciahnikom (kala 13 jeŭra).