Ułady Jehipta admianili režym nadzvyčajnaha stanovišča, jaki dziejničaŭ ad žniŭnia
Ułady Jehipta admianili režym nadzvyčajnaha stanovišča i kamiendanckuju hadzinu, jakija dziejničali na praciahu troch miesiacaŭ.
Hetuju infarmacyju paćvierdziŭ Bi-bi-si pamočnik premjer-ministra krainy.
Režym NS i kamiendanckaja hadzina pa načach byli ŭviedzienyja 14 žniŭnia, paśla taho jak supracoŭniki słužbaŭ biaśpieki razahnali dva łahiera prychilnikaŭ zrynutaha prezidenta-isłamistya Machamieda Mursi.
Pieršapačatkova hetyja miery pavinny byli dziejničać da kastryčnika, adnak 12 vieraśnia ŭłady praciahnuli ich dziejańnie jašče na dva miesiacy.
Režym nadzvyčajnaha stanovišča dazvalaŭ jehipieckim uładam pravodzić pieratrusy i aryšty biez adpaviednaha ordera.
Machamiedu Mursi i kiraŭnikam «Bratoŭ-musulman» pradjaŭlenyja abvinavačvańni ŭ padbuchtorvańni da zabojstva padčas sutyknieńniaŭ kala prezidenckaha pałaca ŭ Kairy ŭ śniežni 2012 hoda, kali zahinuli siem čałaviek.