Pryzyŭnikoŭ pazbaviać pravoŭ paśla paŭtornaj miedkamisii
Kiroŭca, jaki maje miedycynskija supraćpakazańni ŭ vajennym bilecie, jakija supadajuć z supraćpakazańniami vadzicielskaj kamisii, moža być abo pazbaŭleny pravoŭ, abo pryzvany na vajennuju słužbu.
Takija kardynalnyja zachady mohuć być pryniaty pa vynikach pravierki, praviedzienaj orhanami prakuratury Bresckaj vobłaści na pradmiet abhruntavanaści vydačy pravoŭ asobam, jakija pakutujuć na zachvorvańni, na padstavie jakich byli pryniaty rašeńni ab pryznańni ich niazdatnymi da vajennaj słužby.
U chodzie pravierki vyśvietliłasia, što pryzyŭniki, pryznanyja nieprydatnymi da vajennaj słužby i jakija majuć, siarod inšaha, supraćpakazańni da kiravańnia aŭtamabilem, paźbiahali vyjaŭleńnia takich dyjahnazaŭ pry prachodžańni vadzicielskaj kamisii i zatym atrymlivali prava abo atrymlivali ich pierš, čym prachodzili kamisiju ŭ vajenkamacie.
Adsutnaść ža naležnaha ŭzajemadziejańnia pamiž vajennymi kamisaryjatami, ustanovami achovy zdaroŭja i DAI nie dazvalała svoječasova vyjavić takija niestykoŭki.