Parfiankova znoŭ buduć sudzić
Praces projdzie 28 listapada ŭ sudzie Pieršamajskaha rajona Minska. Vasila Parfiankova abvinavačvajuć u parušeńni praviłaŭ adbyćcia previentyŭnaha nahladu (artykuł 421 KK).
Pakolki Parfiankoŭ z 21 vieraśnia znachodzicca ŭ lačebna-pracoŭnym prafiłaktoryi №1 h. Śvietłahorska, jaho na sud pryviazuć pad kanvojem.
Nahadajem, što palitviazień Vasil Parfiankoŭ 9 lutaha byŭ vyzvaleny z Baranavickaha śledčaha izalataru №6, na terytoryi jakoha raźmiaščajecca aryštny dom.
29 maja 2012 hoda Vasil Parfiankoŭ byŭ asudžany pavodle artykuła 421 Kryminalnaha kodeksu Respubliki Biełaruś sudździoj Pieršamajskaha rajona Minska Siarhiejem Bandarenkam za parušeńni ŭmovaŭ prafiłaktyčnaha nahladu. Previentyŭny nahlad terminam na adzin hod, u parušeńni jakoha pryznany vinavatym były palitviazień, byŭ ustalavany za im z 5 studzienia 2012 hoda. Padstavaj dla hetaha staŭ ŭdzieł Parfiankova ŭ hramadska-palityčnym žyćci.
24 lipienia Minski haradski sud nie zadavoliŭ kasacyjnuju skarhu Parfiankova na prysud ab aryšcie na 6 miesiacaŭ za nievykanańnie umovaŭ previentyŭnaha nahladu, ustalavanaha sudom. 9 žniŭnia 2012 h. Vasil Parfiankoŭ byŭ uziaty pad vartu znoŭ.