Ceški z Pahoniaj — kalekcyja (foty)
Milicyja.
Milicyja (piłotka).
Vojska.
Vojska (piłotka).
Mytnia.
Hałoŭny prakuror rajona.
Prakuratura.
Achova vodnych resursaŭ.
Kalekcyja.
Jany źjavilisia na furažkach u 1993 hodzie. A ŭ nastupnyja dva hady pad naciskam Pahoni imkliva źnikali savieckija kukardy. Biełaruski hierb źjaŭlaŭsia na ŭsio bolš raznastajnych ceškach. Taja, jakuju nie raźbić, nie strymać, pašyryłasia na hałaŭnyja ŭbory vajskoŭcaŭ, milicyjantaŭ, supracoŭnikaŭ prakuratury, mytni i navat achovy vodnych resursaŭ.
Paśla Haniebnaha refierendumu ceški z Pahoniaj z furažak pryniali. Ale dasiul jany zachoŭvajucca šmat u kaho doma. Cikavaść ža kalekcyjanieraŭ da ich siońnia tolki ŭzrastaje.
Na biełaruskich internet-aŭkcyjonach ceški 1993—1995 hh. majuć dobry popyt. Najčaściej pradajecca milicejskaja kukarda z dubovymi listami (na furažku) — prykładna za 5—10 dalaraŭ.
Taksama niaredkija i vajskovyja ceški na furažku i piłotku. Kaštujuć jany taksama 5—10 dalaraŭ. Radziej sustrakajucca hienieralskija kukardy (jak vajskovyja, tak i milicejskija jany załacistyja, a nie pasrebranyja).
Kukardy słužboŭcaŭ inšych ustanovaŭ, nakštałt mytnika, prakurora, supracoŭnika achovy vodnych resursaŭ, abyducca achvotnym krychu daražej — 15—20 $.
Zrešty, možna i nie kuplać tyja ceški, a spytać pra ich u znajomych, što słužyli u toj čas, dy, kali paščaścić, atrymać kukardu z našaj Pahoniaj u padarunak.