Vice-premjer Kalinin: Za mabilnik biełarusy ŭ siarednim płaciać až 100 tys. u miesiac, a za kamunalnyja pasłuhi — tolki 260 tys.
Taryfy na haz i elektraenierhiju ŭ Biełarusi mohuć ŭzraści z 1 śniežnia. Ab hetym siońnia ŭ chodzie žyvoj telefonnaj linii z čytačami haziety «Sovietskaja Biełoruśsija» paviedamiŭ namieśnik premjer-ministra Anatol Kalinin.
«Va ŭrada jość raźlik pa niaznačnym pavieličeńni taryfaŭ z 1 śniežnia. Ale hetaje pytańnie budzie ŭzhadniacca z kiraŭnikom dziaržavy i prymacca paśla ŭsich uzhadnieńniaŭ», — adznačyŭ Anatol Kalinin. Kali budzie pryniata stanoŭčaje rašeńnie, to nievialiki padjom adbudziecca na asobnyja kamunalnyja pasłuhi, haz i elektraenierhiju.
«Na astatnija kamunalnyja pasłuhi ŭ nas niama padstaŭ pavyšać ceny ŭ hetym hodzie», — paabiacaŭ Anatol Kalinin.
Vice-premjer źviarnuŭ uvahu, što ŭ Biełarusi na siońniašni dzień hramadzianie płaciać za mabilny telefon u siarednim Br100 tys. za kamunalnyja pasłuhi — Br260 tys.
«Viadoma, nam nieabchodna stvaryć achoŭnyja miery dla tych hramadzian, jakija majuć nizkija dachody, a ŭsie astatnija pavinny płacić pa sabiekošcie», — miarkuje namieśnik premjer-ministra.
Apošni raz taryfy na elektryčnuju enierhiju dla nasielnictva byli pavialičanyja 1 listapada, tady pavyšeńnie adbyłosia na 8,3 %, a pierad hetym padaražańnie adbyłosia 1 vieraśnia na 11,8%.
Vyraśli tady taksama i taryfy na haz.