Bresan blizki da padpisańnia kantrakta z brazilskim kłubam
Goals.by
Paŭabaronca zbornaj Biełarusi Renan Bresan blizki da padpisańnia kantrakta z brazilskim kłubam «Krysiŭma».
Čempijanat Brazilii ŭžo zaviaršajecca, i Renan Bresan moža stać pieršym nabyćciom «Krysiŭmy» ŭ mižsiezońnie. Damoŭlenaść z futbalistam ŭžo majecca, pahadnieńnie pamiž bakami moža być padpisana paśla niadzielnaha matču «Krysiŭmy» z «Vitoryjaj», jaki projdzie ŭ ramkach 36-ha tura nacyjanalnaha pieršynstva.
Usio zaležyć ad taho, ci zachavaje patencyjny kłub Bresana prapisku ŭ brazilskaj Sieryi A.
Na hety momant kamanda z štata Santa-Kataryna [darečy, štat, u jakim naradziŭsia Renan Bresan — NN] zajmaje 14-y radok u turnirnaj tablicy (u čempijanacie Brazilii biare ŭdzieł 20 kłubaŭ, pravodzicca 38 turaŭ — NN), tolki na adzin punkt apiaredžvajučy «Karytybu», jakaja znachodzicca ŭ zonie vyletu [vylataje čatyry kamandy].
«Krysiŭma» — brazilski futbolny kłub z adnajmiennaha horada ŭ štacie Santa-Kataryna. Heta adzin z čatyroch najmacniejšych kłubaŭ svajho štata poruč z «Fihiejrensie», «Avai» i «Žainvilem».
U 2012 hodzie «Krysiŭma» vyjšła ŭ Sieryju A. U svoj čas za hety kłub pahulali Marya Žardeł, Danieł Karvaljo, Duhłas das Santas, a ŭ 1991 hodzie ŭznačalvaŭ kamandu Łuiš Felipe Skałary. Mienavita pad jaho kiraŭnictvam «Krysiŭma» dasiahnuła najbolšaha pośpiechu ŭ svajoj historyi, zavajavaŭšy Kubak Brazilii.
Renan Bresan u kancy 2012 h. pierajšoŭ z BATE z rasijskuju «Ałaniju», jakaja potym vylecieła ŭ pieršuju lihu i zaznała finansavyja ciažkaści.
Bresan, jakomu nie płaciŭsia zarobak, urešcie razarvaŭ kantrakt z rasijskim kłubam i vyjechaŭ u Braziliju.