Kolkaść zahinułych u Ryzie dasiahnuła 32 čałaviek
Jak paviedamlałasia, u čaćvier viečaram u stalicy Łatvii, u handlovym centry Maxima, što na vuł. Predajnies, 20, abvaliŭsia dach. Nieŭzabavie paśla pačatku vyratavalnych rabot abvaliłasia jašče adna častka ściany.
Pavodle apošniaj infarmacyi (na 12:20), u vyniku abrušenńnia zahinuli 32 čałavieki, siarod ich — troje ratavalnikaŭ i troje rabotnikaŭ Maksima. Paciarpieli kala 40 čałaviek, siarod ich dzicia i dziesiać ratavalnikaŭ.
Pa-raniejšamu nie mohuć znajści troch supracoŭnikaŭ Maxima, jašče dva rabotniki znachodziacca ŭ balnicy.
Płošča abrušeńnia składaje kala 500 kvadratnych mietraŭ . Pryparkavanyja pobač mašyny zavalenyja kavałkami ašaloŭki budynka.
Vidavočcy vykazali zdahadku, što pryčynaj abvalvańnia mahli stać budaŭničyja pracy na dachu budynka, dzie ŭładkoŭvali sad i terasu.
Pavodle papiarednich źviestak, asnoŭny ŭdar pryjšoŭsia na kasy, adździeł aharodniny supiermarkieta, a taksama raźmieščany ŭ HC mahazin Drogas.