U centry Ivana-Frankoŭska studenty staviać namioty
Čatyry namioty na Viečavym Majdanie ŭ centry Ivana-Frankoŭska pastavili ŭdzielniki akcyi pratestu suprać zhortvańnia kursu Ukrainy na jeŭraintehracyju.
Ź viečara siudy pryjšli niekalki dziasiatkaŭ maładych ludziej, u asnoŭnym studentaŭ prykarpackich VNU.
Kala namiotaŭ — ściahi Ukrainy i Jeŭrasajuza, a na naciahnutaj pamiž lichtarami viaroŭcy — ad ruki napisany łozunh na niekalkich listach papiery «My» «za» «ES».
Udzielniki inicyjatyvy «Frankaŭčanie pa ES» raspaŭsiudžvajuć ulotki z takim tekstam: «Frankaŭčanin, ukrainiec, rabočy, student, školnik, słužačy! Vychodź na Vičavy! Abarani asacyjacyju ź ES! Vykažy svajo pazicyju! Čakajem! Staim z nočy! Takija ža, jak i ty! Idzi da nas».
Pa słovach udzielnikaŭ akcyi, jany pierakananyja, što miesca Ukrainy — u Jeŭropie i asudžajuć dziejańni ŭrada, nakiravanyja na prypynieńnie pracesu padrychtoŭki da padpisańnia pahadnieńnia ź Jeŭrasajuzam.
{POLL#156}