MZS paćvierdziła hibiel biełarusa ŭ Jemienie
Biełarusy, jakija patrapili pad napad terarystaŭ u Jemienie, pracavali pa aficyjnym kantrakcie, zajaviła MZS Biełarusi.
Ministerstva zamiežnych spraŭ Biełarusi paćvierdziła hibiel u Jemienie hramadzianina krainy i ranieńnie jašče adnaho biełarusa ŭ vyniku ŭzbrojenaha napadu.
«My paćviardžajem, što ŭ Jemienie ŭ vyniku incydentu z užyvańniem ahniastrelnaj zbroi paciarpieli hramadzianie Biełarusi. Jany pracavali tam pa aficyjnym kantrakcie»,— zajaviŭ pres-sakratar MZS Andrej Savinych.
«Ciapier konsulskaja słužba źviazvajecca ź jemienskimi ŭładami dla ŭdakładnieńnia ŭsich abstavinaŭ zdareńnia dla akazańnia nieabchodnaj dapamohi»,— dadaŭ Savinych.