Padzieńnie Bierłuskoni
Reuters
U Italii sienat prahałasavaŭ za skasavańnie sienatarskich paŭnamoctvaŭ Silvia Bierłuskoni.
Rašeńnie było pryniata ŭ chodzie adkrytaha hałasavańnia. 192 sienatary prahałasavali za vyklučeńnie Bierłuskoni, 113 — suprać, jašče dvoje — ustrymalisia ad hałasavańnia. Byłoha premjer-ministra Italii pazbavili taksama parłamienckaha imunitetu.
1 žniŭnia 2013 h. Viarchoŭny kasacyjny sud Italii paćvierdziŭ prysud, vyniesieny raniej u dačynieńni da Bierłuskoni pa spravie ab padatkovych machinacyjach u chołdynhu Mediaset. Bierłuskoni byŭ asudžany da čatyroch hadoŭ pazbaŭleńnia voli.
Raniej paviedamlałasia, što palityk paprasiŭ adkłaści hałasavańnie ab jaho vyklučeńni ź sienata.
Były premjer, jaki zajmaŭ centralnaje miesca ŭ palityčnym žyćci Italii amal dva dziesiacihodździ, užo zaklikali svaich prychilnikaŭ da akcyj pratestu.
Prychilniki Bierłuskoni sabralisia ŭ Rymie na demanstracyju suprać, jak jany vyjaŭlajucca, palityčnaj viendety, paviedamlaje Bi-Bi-Si.