Globe and Mail: Kanada nie źbirajecca sastupać Paŭnočny polus Rasii
Kanada imkniecca zamacavać svajo prava vieści raźviedku i zdabyču syraviny na Paŭnočnym polusie adnačasova z Rasijaj i inšymi krainami, piša The Globe and Mail.
Dla premjer-ministra Kanady Styviena Charpiera pytańnie ab suverenitecie ŭ Arktycy jość častkaj palityčnaj prahramy. Jon daručyŭ uklučyć Paŭnočny polus u zajaŭku na pašyreńnie miežaŭ arktyčnaha šelfa i nie hatovy admovicca ad hetych płanaŭ, adznačaje vydańnie.
Zhodna z Kanviencyjaj AAN pa marskim pravie, kantrol za marskim dnom kraina moža zabiaśpiečyć za miežami mižnarodna pryznanych miežaŭ, kali zmoža dakazać, što marskoje dno jość praciaham jaje kantynientalnaha šelfa.
Pavodle infarmacyi vydańnia, Kanada i Rasija ŭpeŭnienyja, što chrybiet Łamanosava, jaki prachodzić pad akijanam i bahaty na naftu, jość naturalnym praciaham ich kantynientalnych šelfaŭ.
Pamiežnyja sprečki z Rasijaj mohuć stać novaj dypłamatyčnaj prablemaj dla Kanady, havorycca ŭ publikacyi.
Raniej Uładzimir Pucin zajaviŭ, što Rasija praciahnie pašyrać svaju prysutnaść u Arktycy, jakaja jość nieadjemnaj častkaj krainy.