Apazicyja skliča ŭ krasaviku-2014 Usiebiełaruski kanhres, kab vyłučyć adzinaha kandydata?
Apazicyja abmiarkoŭvaje pytańnie vyłučeńnia adzinaha kandydata ŭ prezidenty na Usiebiełaruskim kanhresie.
Pra heta paviedamiŭ 12 śniežnia ŭ Breście sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec.
«Pakul heta jašče tolki prajekt, ale ŭ jaho ŭsio bolš prychilnikaŭ. Ja dumaju, kali nie ŭdasca padčas miascovaj vybarčaj kampanii prajmieryz dla vyznačeńnia lidara, jaki vyłučaŭsia b kandydatam u prezidenty, ź im pahodzicca i aljans za spraviadlivyja vybary «Tałaka», — skazaŭ palityk.
Pavodle jaho słoŭ, miarkujecca, što delehatami Usiebiełaruskaha kanhresa buduć tyja, chto vyłučaŭsia kandydatami na miascovych vybarach 2014 hoda.
«Ja za toje, kab adziny kandydat u prezidenty ad apazicyi źjaviŭsia jak maha raniej i kanhres pravieści ŭ krasaviku 2014 hoda», — skazaŭ Sieviaryniec.
Jon padkreśliŭ, što BCHD budzie dabivacca vyłučeńnia adzinaha kandydata ŭ prezidenty ad apazicyi i zatym na jaho pracavać, tamu što «adnym hołasam treba razmaŭlać z narodam, režymam i Zachadam».
Sieviaryniec vykazaŭsia za vykarystańnie internetu ŭ prezidenckaj kampanii:
«Moža tak stacca, što sistema «raskrutki» adzinaha kandydata budzie pabudavanaja na internecie. Heta pracuje. Prykład tamu — maŭklivyja akcyi pratestu, arhanizavanyja praz sacyjalnyja sietki. Vyjšli tysiačy ludziej, pryčym nie tolki ŭ Minsku, a amal va ŭsich haradach Biełarusi».