Pamior Uładzimir Leaniuk
Uradženiec Bieraściejščyny, jon dziesiacikłaśnikam byŭ asudžany na 25 hadoŭ łahieraŭ za «antysavieckuju dziejnaść».
Na 82-m hodzie žyćcia pamior hramadski dziajač i piśmieńnik Uładzimier Leaniuk (Vołodimir Leoniuk). Sumnaja viestka pryšła ź Lvova, dzie jon žyŭ.
Uładzimier Leaniuk naradziŭsia ŭ 1932 h. u sialanskaj siamji ŭ vioscy Krytyšyn (Bresckaja vobł., Ivanaŭski rajon).
U 1951 h., kali jon vučyŭsia ŭ apošnim kłasie siaredniaj škoły, jaho aryštavali za antysavieckuju dziejnaść (raspaŭsiudžvaŭ antysavieckija rukapisnyja ŭlotki, napisanyja pa-ŭkrainsku).
Vajskovy trybunał vojsk MUS Pinskaj obłaści asudziŭ junaka na 25 hod źniavoleńnia.
Paśla śmierci Stalina jaho vyzvalili.
Druhi raz jon trapiŭ u saviecki kancłahier za stvareńnie niezaležnickaj arhanizacyi ŭžo pry Chruščovu.
Adbyvajučy pakarańnie ŭ łahierach Inty i zatym u Mardovii, vydavaŭ, redahavaŭ i raspaŭsiudžvaŭ padpolnuju litaraturu, staŭ adnym z aŭtaraŭ «Instrukcyi ab praviłach kanśpiracyi pry raspaŭsiudzie revalucyjnaj litaratury», braŭ udzieł u stvareńni i pracy padpolnych arhanizacyj viaźniaŭ.
Tolki ŭ 1971 hodzie kančatkova vyjšaŭ na volu.
Kaniec svajho žyćcia jon pryśviaciŭ zboru materyjałaŭ pra ŭkrainski ruch na Bieraściejščynie. Uładzimier Leaniuk — aŭtar unikalnaha 2-ch tomnaha «Słoŭnika Bieraściejščyny», u jakim sabrany źviestki pra ŭsio, što łučyć hety kraj z Ukrainaj.
U minułym hodzie vyjšaŭ zbornik apaviadańniaŭ «Zachmaranyja dośvitki» — ščymlivyja apoviedy pra žyćcio ŭ łahierach, pra moc duchu adnych i słabaść inšych…
Apošnija dni jon uvažliva sačyŭ za padziejami na Majdanie, mocna pieražyvaŭ, i serca nie vytrymała. Jon ćviorda vieryŭ u lepšuju budučyniu i da apošnich dzion pracavaŭ…
Śpicie spakojna, Uładzimir Ihnatavič! Viečnaja Vam pamiać!