Pamierła kiraŭnička «Biełaruskaj chatki» Ała Chodan
Pajšła z žyćcia kiraŭnica siabroŭskaha kłuba «Biełaruskaja chatka» Ała Chodan.
Kłub byŭ zasnavany na pačatku 1990-ch amatarami tvorčaści paeta i atrymaŭ nazvu pavodle adnajmiennaha litaraturnaha hurtka, u jakim udzielničaŭ Maksim Bahdanovič.
Siabry kłuba pad kiraŭnictvam Ały Chodan zładzili dziasiatki ekskursij pa histaryčnych miaścinach Biełarusi, paetyčnych, litaraturnych i tvorčych viečaryn ź viadomymi paetami, bardami i palitykami ŭ filijale muzieja Maksima Bahdanoviča na vulicy Rabkoraŭskaj u Minsku.
Siabra arhkamiteta ra stvareńni partyi BCHD Valeryja Čarnamorcava kaža: «Dla mnohich ludziej, mianie ŭ tym liku, tvorčyja imprezy ŭ muziei Bahdanoviča byli pieršymi krokami ŭ adkryćci pryhažości rodnaha słova, biełaruskaj paezii, bahaćcia historyi i kultury Biełarusi. Šmat dla kaho imia Ały Michajłaŭny Chodan źviazana z samymi lepšymi ŭspaminami, a pamiać pra hetaha čałavieka zastaniecca nazaŭsiody śvietłaj».