Sapraŭdnaja zima nie śpiašajecca ŭ Biełaruś: da Novaha hoda jaje nie budzie
Eugenijus Rauduv?
U subotu, 21 śniežnia, atmaśfierny front z Zachodniaj Jeŭropy pryniasie ŭ mnohija rajony Biełarusi apadki ŭ vyhladzie mokraha śniehu i daždžu. Na darohach — hałalodzica. Tempieratura pavietra ŭnačy składzie ad minus 4 da plus 2 hradusaŭ, dniom prahnazujecca ad minus 1 da +4 hradusaŭ.
U niadzielu rost atmaśfiernaha cisku vyšturchnie frantalny raździeł na terytoryju Rasii — i apadki pry tempieratury pavietra, blizkaj da nula, pastupova spyniacca. Stanie mienš vietrana.
U paniadziełak nočču na bolšaj častcy Biełarusi, dniom miescami čakajucca karotkačasovyja apadki — mokry śnieh, doždž. Viecier budzie paŭdniova-zachodni ŭmierany. Na darohach — hałalodzica. Tempieratura pavietra ŭnačy składzie ad minus 3 da plus 3 hradusaŭ, u dzionnyja hadziny čakajecca ad 0 da 5 hradusaŭ sa znakam plus.
Da kanca nastupnaha tydnia Biełaruś apyniecca na styku hłybokaha cykłonu la bierahoŭ Narviehii i šyrokaha antycykłonu nad poŭdniem jeŭrapiejskaj častki Rasii.
«Pavietra stanie pastupać z paŭdniovych šyrot, a heta kaža pra toje, što zimovaje nadvorje pa-raniejšamu nie pryjdzie ŭ Biełaruś», — adznačyła hałoŭny sinoptyk Respublikanskaha hidramieteacentra Ludmiła Paraščuk.