«Anłajnier jak indykatar biełarusa»: čytačy śmiajucca z «apalityčnaści» sajta
Adzin z samych papularnych navinnych partałaŭ Biełarusi, Onliner.by, faktyčna praihnaravaŭ samuju abmiarkoŭvanuju padzieju dnia – pratesty kiroŭcaŭ suprać padatku na aŭtamabili.
«Ruch u centry horada ŭviečary byŭ mocna ŭskładnieny. Mahčyma, pryčynaj hetamu stała akcyja kiroŭcaŭ», — namiaknuli žurnalisty Anłajniera.
Sajt na čale z redaktaram Dzianisam Bliščom pazicyjanuje siabie apalityčnym, ale nie ŭpuściŭ mahčymaść uzhadać pra akcyju, tam samym nabrać žadanyja prahlady, kamientary i «łajki». U niejkaj stupieni heta atrymałasia – kala 30 tysiač prahladaŭ i kala 700 kamientaroŭ.
Adnak sproba aśviatleńnia pratestaŭ padałasia čytačam haniebnaj.
«U anłajniera ačko zhulała» (120 łajkaŭ), «anłajnier scykliva apisvaje ŭsio» (112 łajkaŭ), «mda, anłajnier na šlachu zavajavańnia prychilnikaŭ saŭbielii i bt)). Koŭzkaja darožka… (41 łajk),
«Na žal, Onliner hublaje vahu ŭ vačach hramadstva, ale chłopcam na praśpiekcie reśpiekt!!!» (82 łajki), «Anłajnier jak indykatar biełarusa. Taki ž scyklivy, nachabny i pafihistyčny, kali sprava datyčycca jahonych nikčemnych kapiejek… Treba ž «Mahčyma»… A čaho ŭvohule pisali? (51 łajk), «Anłajnier skaciŭsia da ŭzroŭniu studentaŭ-maderataraŭ… užo tolki pra katoŭ i pišuć… zaraz nabiahuć, usich zabaniać… ćfu…» (44 łajki). I heta tolki častka vodhukaŭ čytačoŭ.
Da honaru redakcyi, niehatyŭnyja kamientary vydalenyja nie byli. Prybrali tolki ŭzhadku Anłajniera ŭ paraŭnańni sa śmialejšym kankurentam Tut.bajem.