Bałharyja vydała Biełarusi złačyncu, jaki byŭ u mižnarodnym vyšuku šeść hadoŭ
Napiaredadni Novaha hoda z Bałharyi byŭ ekstradavany hramadzianin Biełarusi, jaki šeść hadoŭ znachodziŭsia ŭ mižnarodnym vyšuku.
31-hadovy mužčyna adšukvaŭsia Centralnym RUUS Minska pa linii Interpoła z 2007 hoda za ŭčynieńnie złačynstva, praduhledžanaha č. 2 art. 207 KK (razboj). Zhodna z materyjałami kryminalnaj spravy, na pustcy kala Dałhinaŭskaha Trakta ŭ stalicy jon napaŭ na svaju achviaru, žorstka źbiŭ i zabraŭ mabilny telefon.
Paśla ŭčynieńnia złačynstva biełarus chavaŭsia na terytoryi roznych dziaržaŭ, u tym liku ŭ Ispanii, Partuhalii, krain Afryki. Uciakač byŭ zatrymany 20 vieraśnia pamiežnikami ŭ Rusie pry sprobie pierasiačy rumyna-bałharskuju miažu. U pačatku śniežnia Ministerstva justycyi Bałharyi zadavoliła prośbu Hienieralnaj prakuratury Biełarusi ab vydačy.