Iłžepradprymalniki sa śfiery aŭtabiźniesu padmanuli bolš jak 20 klijentaŭ
Kala dvuch hadoŭ pradprymalniki (mužčyna i žančyna), na imia kožnaha ź jakich było zarehistravana handlovaje pryvatnaje ŭnitarnaje pradpryjemstva, zajmalisia kuplaj-prodažam aŭtamabilaŭ. Firmy mieli svaje sajty ŭ internecie i niedachopu ŭ klijentach nie adčuvali.
Pytańni da biźniesmienaŭ źjavilisia, kali adzin z klijentaŭ zaklučyŭ ź imi dahavor na prodaž svajho aŭto. Prajšoŭ miesiac, druhi, a infarmacyi ad pasrednikaŭ nie pastupała. Tady klijent PUP vyrašyŭ źviarnucca ŭ sud, ale, vyvučyŭšy ŭvažliva dahavor, zrazumieŭ, što termin vykanańnia abaviazacielstvaŭ z boku pradprymalnikaŭ nie abmiežavany. Druhi klijent unios 50-pracentnuju papiaredniuju apłatu za aŭtamabil, jaki jamu pavinny byli pryhnać na praciahu tydnia. Adnak paśla zakančeńnia ŭkazanaha času ŭładalnik firmy rastłumačyŭ: mašyna, maŭlaŭ, zatrymlivajecca na miažy. A jašče praz tydzień kamiersant i zusim pierastaŭ vychodzić na suviaź.
Usiaho z zajavami ŭ dačynieńni da niadobrasumlennych pradprymalnikaŭ u milicyju źviarnułasia bolš jak dvaccać paciarpiełych.