Mitrapalit Fiłaret chvareje i nie ŭziaŭ udziełu ŭ pieršaj liturhii mitr.Paŭła
Mitrapalit Fiłaret, hanarovy Patryjaršy Ekzarch usioj Biełarusi nie zmoh siońnia pryniać udzieł u liturhii ŭ Śviata Duchavym kafiedralnym sabory Minska z-za chvaroby.
Pra heta paviedamiŭ viernikam mitrapalit Minski i Słucki Pavieł, Patryjaršy Ekzarch usiaje Biełarusi na słužbie ŭ kafiedralnym sabory stalicy, pieradaje BiełTA.
«Vy, napeŭna, zaŭvažyli, što z nami niama takoha pavažanaha čałavieka — mitrapalita Fiłareta. Na žal, jon chvareje. Davajcie pamolimsia sabornaj malitvaj, kab Haspodź dapamoh jamu ačuniać», — skazaŭ mitrapalit Pavieł.
Jak paviedamlałasia, hanarovy Patryjaršy Ekzarch pavinien byŭ siońnia słužyć razam ź pierajemnikam i pradstavić jaho viernikam.
Učora źjaviłasia infarmacyja, što la budynka Ekzarchata stajaŭ aŭtamabil reanimacyi.
U toj ža čas, pa našaj infarmacyi, mitrapalit Fiłaret lažyć u špitali. Mahčyma, jon pryjazdžaŭ u Ekzarchat pryvitać svajho pierajemnika.