Ina Kulej: Prahrama Kalinoŭskaha pieratvarajecca va ŭniviersitet
Pa słovach kiraŭnicy biełaruskaha kamiteta abarony represavanych «Salidarnaść» Iny Kulej, polski ŭrad pa-raniejšamu vykazvaje žadańnie materyjalna padtrymlivać ludziej, što paciarpieli ŭ Biełarusi ad represij i nie majuć mahčymaści praciahvać navučańnie:
- Prahrama Kalinoŭskaha pašyraje svaje mahčymaści, i my ciapier užo nazyvajem jaje - Univiersitet Kastusia Kalinoŭskaha. Tamu što tam jość padrychtoŭčy kurs dla niapoŭnahadovych dziaciej, heta značyć, što našyja dzieci mohuć pastupać nie adrazu na pieršy kurs, a tyja, chto nie maje 18 hadoŭ, jašče hadavy kurs polskaj movy zmohuć prachodzić. Jašče jość bakałaŭryjat, u jakim mohuć navučacca vyklučanyja biełaruskija studenty abo dzieci z represavanych siemjaŭ. Jość mahistratura, akramia hetaha isnuje aśpirantura. I z hetaha hoda - doktar chabilitavany.
Prahrama imia Kastusia Kalinoŭskaha ŭźnikła paśla masavych vyklučeńniaŭ moładzi ź biełaruskich univiersitetaŭ u 2006 hodzie. Z taho času polski ŭrad zadarma zaličvaje represavanych studentaŭ u svaje ŭniviersitety, a taksama vypłočvaje im stypiendyju.