Brytanski navukoŭca: Radzima chobitaŭ — Biełaruś
Da takoj vysnovy pryjšoŭ brytanski navukoviec, jaki paraŭnaŭ klimat, što panavaŭ u krajach «Uładara Piarścionkaŭ», z sapraŭdnymi ziamnymi krainami.
Doktar Łant, jaki daśleduje tvorčaść Tołkina, kaža, što klimat Mižziemja byŭ vielmi padobny na klimat Zachodniaj Jeŭropy i Paŭnočnaj Afryki.
Klimat Šyru, u vakolicach jakoha žyli chobity, u tym liku Bilba i Froda Torbins, na dumku doktara Łanta, najlepš padychodzić dla Biełarusi. Navukoviec padličyŭ, što siaredniaja hadavaja tempieratura ŭ Šyry była kala 7 hradusaŭ pa Celsii, a siaredniaja kolkaść apadkaŭ składała 61 sm. Praŭda, u samoj Vialikabrytanii isnujuć padobnyja rehijony - u hrafstvach Linkalnšyr i Lesteršyr. Tamu, na dumku Łanta, režysiory, jakija pravodzili zdymku Šyru ŭ Novaj Ziełandyi, pamylilisia ŭ svaim vybary.
Siaredniaja tempieratura ŭ paŭnočnych rehijonach Mižziemja zastavałasia nižej za nul – jak u Paŭnočnaj Jeŭropie. U svaju čarhu, paŭdniovyja rajony Mordar i Charad pa klimacie nahadvajuć Sacharu – tam suchoje i śpiakotnaje nadvorje, čezłaja raślinnaść.
Darečy, paraza orkaŭ u bajach ź ludźmi, elfami i hnomami adbyłasia z-za taho, što jany pakutavali ad… avitaminozu. Kali b jany mahli tolki zredku źjeści piroh z zavarnym kremam abo sałatu, abo vendžanaha łasosia i naviedać chacia b niekalki sieansaŭ u salaryi, historyja dla ich skončyłasia b lepš, ličyć navukoviec.
Brytanski navukoviec kaža, što ŭsie svaje daśledvanii jon pravodziŭ u volny ad pracy čas, bo źjaŭlajecca amataram tvorčaści Tołkina.