Hrodzienskaje DAI zabiraje ŭ rasiejca mašynu za pjanuju jazdu
U Hrodzienskaj vobłaści za znachodžańnie pjanym za rulom mašyny pazbavicca rasiejec.
Jak paviedamili va ŭpraŭleńni DAI UUS Hrodzienskaha abłvykankama, viečaram 3 studzienia supracoŭnikami milicyi ŭ horadzie byŭ zatrymany rasiejec, kiroŭca «Sitrajena». U vydychanym pavietry akazałasia 2,19 pramile ałkaholu.
U sakaviku minułaha hoda hetaha pracaŭnika adnaho z hrodzienskich pradpryjemstvaŭ užo zatrymlivali ŭ pjanym vyhladzie ŭ Minsku.
Z momantu ŭstupleńnia ŭ kancy kastryčnika 2013 hoda ŭ siłu papravak u zakanadaŭstva, jakija ŭzmacniajuć žorstkaść adkaznaści za kiravańnie aŭtatranspartam u pjanym vyhladzie, u Hrodzienskaj vobłaści heta ŭžo 30 vypadak zatrymańnia pjanaha kiroŭcy paŭtorna na praciahu hoda paśla nakładańnia mier administracyjnaha spahnańnia.
Vadziciel « Sitrajena», uradženiec Kazachstana, hramadzianin Rasii, jaki žyvie i pracuje ŭ Hrodnie, vykazaŭ svajo mierkavańnie pra niehumannaść biełaruskich zakonaŭ.