Pachavańnie Ejsebia projdzie siońnia, u Partuhalii abvieščana trodzionnaja žałoba
Pachavańnie lehiendy partuhalskaha i suśvietnaha futboła Ejsebia adbudziecca 6 studzienia ŭ Lisabonie.
Raźvitańnie z Čornaj Panteraj, abola.pt
Ejsebia (Eŭsebia da Siłva Pierejra) pamior 5 studzienia na 72-m hodzie žyćcia ad sardečnaj niedastatkovaści.
Hramadzianskaja panichida projdzie niepadalok ad chatniaha stadyjona «Bienfiki» «Da Łuž», dzie futbalist pravioŭ bolšuju častku karjery, i pačniecca a 19-j pavodle minskaha času.
Urad Partuhalii abviaściŭ trochdzionnuju nacyjanalnuju žałobu ŭ suviazi sa śmierciu Ejsebia.
Roskvit karjery Ejsebia pryjšoŭsia na 1960-ja. Razam ź im zbornaja Partuhalii zmahła zavajavać bronzu na čempijanatu śvietu ŭ 1966 h.