Byłyja zorki NBA na čale z Rodmanam zhulali sa zbornaj KNDR — videa
Byłyja hulcy Nacyjanalnaj baskietbolnaj asacyjacyi na čale z Denisam Rodmanam praviali matč sa zbornaj Paŭnočnaj Karei. Pra heta paviedamlaje ESPN.
Sustreča, jakaja prajšła ŭ Pchieńjanie, była prymierkavana da dnia naradžeńnia paŭnočnakarejskaha lidara Kim Čen Yna, ź jakim Rodman u siabroŭskich stasunkach. Na matč pryjšli 14 tysiač hledačoŭ. Pieršaja pałova matču zaviaršyłasia na karyść kamandy KNDR ź likam 47:39. Paśla pierapynku hulnia pajšła ŭ źmiešanych składach.
Akramia byłoha hulca «Čykaha» ŭ matčy pryniali ŭdzieł Dah Kryści, Krejh Chodžs i Čarłz Śmit, a taksama ŭdzielniki Matčaŭ usich zorak Kieni Andersan, Klif Robinsan i Vin Bejkier.
Paśla zakančeńnia matču Denis Rodman praśpiavaŭ pieśniu dla Kim Čen Yna i pavinšavaŭ palityka z dniom naradžeńnia.