Pradprymalnik u Žłobinie padmanuŭ 65 čałaviek i schavaŭsia ŭ manastyry
Sud Žłobinskaha rajona pryhavaryŭ byłoha pradprymalnika da čatyroch hadoŭ pazbaŭleńnia voli z adterminoŭkaj vykanańnia prysudu na dva hady za machlarstva ŭ bujnym pamiery (artykuł 209 KK).
Mužčyna 1972 hoda naradžeńnia siem hadoŭ tamu ŭziaŭ u klijentaŭ pieradapłatu pa damovach ab vyrabie mebli na zamovu i źnik. Jak paviedamiŭ pamočnik prakurora Žłobinskaha rajona Michaił Zabielin, da 2012 hoda abvinavačany byŭ u vyšuku, uvieś hety čas jon žyŭ u adnym z manastyroŭ va Ukrainie. U 2012 hodzie machlar byŭ adšukany i departavany ŭ Biełaruś.
U 2004 hodzie žychar Žłobina stvaryŭ firmu pa vyrabie mebli na zamovu. Spravy išli dobra. U 2007 hodzie pradprymalnik uziaŭ mnostva zamoŭ, pieradapłatu (ad 50 da 70% za zamovu) i źnik. Jaho achviarami stali 65 čałaviek, jakija stracili ŭvohule bolš jak 86 młn. rubloŭ.
Padčas suda abvinavačany kampiensavaŭ uron paciarpiełym u poŭnym abjomie, što paŭpłyvała na pryhavor, jak i toje, što raniej jon nie byŭ sudzimy i maje małoje dzicia. Čamu nie byli vykanany abaviazacielstvy i kudy padzielisia hrošy, mužčyna na sudzie nie rastłumačyŭ.
9 studzienia prysud nabyŭ zakonnuju siłu.