Ukrainski deputat źbirajecca pastavić Lenina na sihnalizacyju
Pomnik Leninu ŭ horadzie Baryspal u Kijeŭskaj vobłaści płanujuć pastavić na achovu.
Za časam pratestaŭ va Ukrainie paciarpieli ažno niekalki pomnikaŭ Leninu. Paśla taho, jak u Kijevie zrynuli pomnik i raźbili jaho kuvałdami, padobnyja akcyi adbylisia jašče ŭ niekalkich haradach krainy.
U adkaz na heta Baryspalskaja milicyja viadzie pieramovy z deputatam haradskoha savieta ad Kamunistyčnaj partyi Anatolem Pčalnikovym adnosna pomnika Lenina. Pomnik płanujecca pastavić na sihnalizacyju, kab praduchilić «vypadki chulihanstva».
Milicyja adznačaje, što najaŭnaść videakamiery źjaŭlajecca niedastatkovym zachadam dla svoječasovaha reahavańnia na niejkija dziejańni, pakolki dla taho, kab nanieści paškodžańni, časam moža spatrebicca niekalki chvilin.