Minski biźniesmien uchilaŭsia ad vypłaty padatkaŭ bolš čym na 1,7 miljarda rubloŭ
Prakuratura Minskaj vobłaści nakiravała ŭ sud Savieckaha rajona stalicy kryminalnuju spravu ŭ dačynieńni da žychara stalicy, jaki abvinavačvajecca ŭ ździajśnieńni złačynstva, praduhledžanaha č. 2 art. 243 KK (uchileńnie ad vypłaty padatkaŭ, što paciahnuła pryčynieńnie škody ŭ asabliva bujnym pamiery).
Namieśnik načalnika adździeła pa nahladzie za vykanańniem zakanadaŭstva ŭpraŭleńnia Śledčaha kamiteta pa Minskaj vobłaści Taćciana Nachodka adznačyła, što zhodna z pradjaŭlenym abvinavačvańniem žychar Minska, źjaŭlajučysia dyrektaram tavarystva z abmiežavanaj adkaznaściu, sumiesna z asobami, jakija ŭ ciapierašni čas znachodziacca ŭ vyšuku, z krasavika 2011 hoda pa śniežań 2012 hoda uchilaŭsia ad vypłaty padatkaŭ šlacham naŭmysnaha zanižeńnia padatkovaj bazy i ŭniasieńnia skažonych źviestak u padatkovyja dekłaracyi (raźliki). Heta paciahnuła pryčynieńnie škody ŭ asabliva bujnym pamiery na sumu bolš za 1 miljard 700 miljonaŭ rubloŭ.
U dačynieńni da ŭsich fihurantaŭ złačynstva abranaja miera strymańnia ŭ vyhladzie ŭtrymańnia pad vartaj.