U Łatvii ahresiŭnych kiroŭcaŭ buduć adpraŭlać da psichołahaŭ
Urad Łatvii zaćvierdziŭ źmieny ŭ zakanadaŭstvie dla taho, kab pavysić biaśpieku darožnaha ruchu i ŭdaskanalić sistemu naličeńnia štrafnych punktaŭ, u asablivaści źviazanych z ahresiŭnym kiravańniem.
U pryvatnaści, praduhledžany novy vid «vypraŭleńnia» dla ahresiŭnych kiroŭcaŭ: ich buduć nakiroŭvać u hrupy karekcyi pavodzin. Kali ž kiroŭca nabiare 8 punktaŭ, jamu pryjdziecca naviedać siertyfikavanaha psichołaha. Paśla vizitu lik punktaŭ budzie skaročana na 2, a kali kiroŭca admovicca naviedać śpiecyjalista, kolkaść punktaŭ pavialičycca na 2.
Jašče adna navinka - mahčymaść dobraachvotna naviedać kursy darožnaha ruchu i biaśpiečnaj jazdy. Vynik - minus 2 punkta. Taki varyjant prapanavany kiroŭcam, jakija majuć pa mienšaj miery 4 punkta.
Uładalnikaŭ 8 punktaŭ pa - raniejšamu buduć adpraŭlać na abaviazkovyja kursy abo na razmovu da psichołaha. Kali ž hetaha zroblena nie budzie, lik štrafnych punktaŭ budzie pavialičana na 2 (naviedvańnie kursaŭ skarocić kolkaść punktaŭ na 2).
Taksama pašyrany śpis parušeńniaŭ, za jakija buduć prysudžacca štrafnyja punkty. Za kiravańnie mašynaj z taniravanym škłom, jakaja nie adpaviadaje patrabavańniam, budzie naličvacca 1 punkt. Za ŭdzieł u darožnym ruchu biez polisa OCTA budzie naličana 2 punkty, takoje ž pakarańnie praduhledžana i za kiravańnie mašynaj biez techničnaha ahladu.