Ułady Francyi za hod departavali 20.000 cyhanoŭ i zrujnavali 165 tabaraŭ.
Francuzskija ŭłady ŭ 2013 hodzie departavali sa svajoj terytoryi 19380 cyhan. Hety lik dla krainy staŭ rekordnym. Adnačasova byli razburany 165 tabaraŭ, u jakich pražyvali departavanyja. Pry hetym bolšaści z vysłanych z krainy nie akazvałasia nijakaj dapamohi, francuzskija ŭłady nie sprabavali dzie-niebudź časova raźmiaścić ich.
Kolkaść departavanych z Francyi cyhanoŭ, pa dadzienych pravaabaroncaŭ, u paraŭnańni z 2012 hadach vyrasła bolš, čym udvaja. U 2012 hodzie z krainy było vysłana bolš za 9400 cyhanoŭ, a ŭ 2011 hodzie — kala 8400.
Ministr unutranych spraŭ Francyi Manuel Vals nastojvaje, što raz cyhany ž nie chočuć intehravacca ŭ hramadstva, ich treba departavać. Padobnaha mierkavańnia prytrymlivajecca, pavodle dadzienych apytańniaŭ, bolšaja častka nasielnictva krainy.
Kampaniju pa vysialeńniu pradstaŭnikoŭ hetaj narodnaści, jakija pryjechali z Bałharyi i Rumynii, pačaŭ jašče papiaredni prezident krainy Nikala Sarkazi.
Pavodle aficyjnych dadzienych, usiaho ŭ Francyi pražyvaje kala 20 tysiač cyhanoŭ. Jak praviła, pradstaŭniki hetaj narodnaści raźbivajuć tabary na ŭskrainach nievialikich haradoŭ. Bolšaść francuzskich cyhan źjaŭlajucca mihrantami z Bałharyi i Rumynii.