Łukašenka zahadaŭ budavać novy aŭtazavod pa vytvorčaści «Džyli»
90% pradukcyi miarkujecca pradavać na ekspart.
Da 1 lipienia 2019 hoda ŭ Minskaj vobłaści budzie pabudavany zavod lehkavych aŭtamabilaŭ, na jakim buduć vypuskać da 120 tysiač mašyn u hod. Heta praduhledžana ŭkazam № 35 «Ab pytańni arhanizacyi vytvorčaści lehkavych aŭtamabilaŭ».
Kampanii «BIEŁDŽY» budzie vydzieleny ziamielny ŭčastak u miežach SEZ «Minsk» (118,87 ha). Jaho daduć u arendu na 99 hadoŭ.
SZAT «Biełdžy» — pradpryjemstva pa vypusku aŭtamabilaŭ Geely. Jaho zasnavalniki — BiełAZ, kitajskaja karparacyja «Džyli» i «Sojuzaŭtatechnałohii».
Z 120 tysiač aŭtamabilaŭ na ekpart miarkujecca pradavać 90%, na vytvorčaści budzie pracavać kala 1900 čałaviek.
Da budaŭnictva novaha zavoda «Džyli» praciahvajuć źbirać na bazie zavoda «Aŭtahidraŭzmacnialnik» pad Barysavam.