Miesca ŭ čarzie da Daroŭ vieščunoŭ pradajuć za 800 tys., pakul jaho kupiŭ tolki adzin čałaviek
17 studzienia ŭ Minsk byli dastaŭleny Dary vałchvoŭ. Adno z ahienctvaŭ prapanavała kuplać miesca ŭ šerahach pałomnikaŭ za 800 tysiač rubloŭ, kab nie stajać na marozie. Pakul hetaj pasłuhaj skarystaŭsia tolki adzin čałaviek, paviedamiŭ pradstaŭnik ahienctva Ihar Danin.
Paśla prybyćcia Daroŭ ŭ Minsk u ahienctva pastupiła kala 10 telefanavańniaŭ, adnak amal usich nie zadavoliła cana — ad 600 tys. da 1 miljona rubloŭ. Pieršym i adzinym klijentam staŭ mužčyna, jaki kupiŭ miesca ŭ čarzie dla svajoj mamy za 800 tysiač rubloŭ.
«My zaniali miesca na dośvitku, i byli adnymi ź pieršych. Čałaviek padyšoŭ da samaha adkryćcia varotaŭ u Domie miłasernaści», — patłumačyŭ Danin.
Daŭšy ŭ internecie abjavu jon raźličvaŭ na bolšuju kolkaść klijentaŭ.