Natalla Pinčuk: Kamientavać možna spravy, a nie słovy
«Ja čuła zajavu Łukašenki na pres-kanfierencyi. Nie pieršy raz takija zajavy hučać, ale jaki sens kamientavać słovy. Kamientavać možna tolki spravy».
Tak adreahavała žonka pravaabaroncy Alesia Bialackaha — Natalla Pinčuk na słovy Łukašenki ab tym, što kali infarmacyja ab kampiensacyi škody paćvierdzicca, Bialackaha mohuć amnistavać.
«Minuły hod dla Alesia apynuŭsia strašna ciažkim — jaho całkam pazbavili doŭhaterminovych spatkańniaŭ sa svajakami. Za dva z pałovaj hady, z 2011 pa 2013 hady, jakija Aleś adsiedzieŭ, nam dali tolki adno doŭhaterminovaje spatkańnie, i heta nie na troje sutak, a tolki na sutki. U minułym hodzie z dvuch doŭhaterminovych spatkańniaŭ my nie atrymali nivodnaha. Jak mohuć, jaho izalujuć — i tut, i tam. Časam telefanuje, jość prablema ź pierapiskaj, ale što tyčycca doŭhaterminovych sustreč z rodnymi — tut prosta katastrofa», — padkreśliła Natalla Pinčuk.