Daktary: Na Hrušeŭskaha zahinuli piać čałaviek, jašče dva trupy znajšli pad Kijevam
U sutyknieńniach na vulicy Hrušeŭskaha ŭ Kijevie, jakija praciahvajucca z 19 studzienia, zahinuli ŭžo 5 čałaviek.
Pra heta Hramadskamu radyjo paviedamiŭ Aleh Musij, kaardynatar miedycynskaj słužby štaba nacyjanalnaha supracivu. Infarmacyja pra piaciora zahinułych była taksama ahučana na kanale «Jeŭrańjus».
«Zabitych pakul 5 čałaviek. Na 00:00 siońniašniaha dnia paciarpiełych było kala 300», — raspavioŭ jon.
U čatyroch z hetych asob, śćviardžaje Musij, možna było dakładna vyznačyć ranieńni ad ahniastrelnaj zbroi ad strełaŭ u hrudnuju kletku, šyju i hałavu.
Taksama siońnia ŭ Baryspalskim rajonie Ukrainy znajšli dva trupy sa śladami katavańniaŭ. Idzie apaznańnie zabitych.