4000 čałaviek pakličuć u Minsku na zdymki filma pra Płošču-2010
Natoŭp zojmie Kastryčnickuju płošču, a paśla i płošču Niezaležnaści.
28 studzienia pačnucca zdymki nacyjanalnaha kinaprajekta «Aviel».
Jon usprymajecca jak aficyjny adkaz na film «Žyvie Biełaruś», jaki źniaŭ polski režysior Kšyštaf Łukaševič pra padziei Płoščy śniežnia 2010 hoda. Biudžet «Aviela» składzie $2 miljony.
Pieršymi buduć źniatyja kadry demanstracyi, zajaviŭ BiełTA režysior filma Uiljam De Vital. Zdymki adbuducca na Kastryčnickaj płoščy i płoščy Niezaležnaści. Čakajecca, što kolkaść masoŭki dasiahnie 4 tysiač čałaviek.
Uiljam De Vital debiutuje ŭ jakaści režysiora ŭ kino. Pavodle infarmacyi, ahučanaj supołkaj filma «Vyšej za nieba» «Ukantakcie», heta ŭkrainski emihrant, jaki pracavaŭ kaskadzioram u filmach «Try muškieciory» i «Čałaviek z Bulvara Kapucynaŭ».
Miarkujecca, što adnu z rolaŭ vykanaje halivudski akcior Eryk Robierts. Starejšy brat znakamitaj Džulii Robierts, jon časta vykonvaje roli niahodnikaŭ.
Dla realizacyi prajekta Ministerstvam kultury Biełarusi i Administracyjaj prezidenta byŭ abrany pradziusier Siarhiej Ždanovič, viadomy jak pradziusar sieryjała PRAAN «Vyšej za nieba».