Kitajskim čynoŭnikam zabaranili jeździć na «inšamarkach»
Ułady Kitaja praciahvajuć raźvivać antykarupcyjnuju kampaniju, raspačatuju ŭ 2012 hodzie.
Kali raniej dziaržaŭnym dziejačam zahadali panizić vydatki na praviadzieńnie bankietaŭ i zabaranili prymać darahija padarunki, to ciapier sprava dajšła i da aŭtamabilaŭ, paviedamlaje The Wall Street Journal.
Paśla pryzyvu staršyni KNR Si Czyńpina, u jakim jon patrabavaŭ ad słužak naroda pamiatać pra honar i aščadnaść, urad zabaraniŭ čynoŭnikam karystacca inšamarkami. Ad siońnia — tolki ajčynnyja, to bok kitajskija, aŭtamabili.