Try siabroŭki zhareli, adznačajučy viasielle
Try žycharki Žłobinskaha rajona zhareli, jak miarkujecca, z-za vybuchu hazu ŭ vioscy Krasny Bierah.
Pažar u šmatkvaternym žyłym domie ź biarvieńnia adbyŭsia kala 19.00 27 studzienia. Vieranda, dach i majomaść unutry adnoj z kvater byli poŭnaściu achoplenyja ahniom. Pavodle słoŭ vidavočcaŭ, adbyŭsia vybuch hazavaha bałona.
Jak paviedamili ŭ Homielskim abłasnym upraŭleńni MNS, u kvatery žyła 48-hadovaja žančyna.
Jana pracavała sanitarkaj, śpirtnym nie złoŭžyvała. U suviazi z žanićbaj syna žančyna zaprasiła dźviuch siabrovak u hości, kab adznačyć hetuju padzieju.
Supracoŭniki MNS, što prybyli na miesca zdareńnia, znajšli troch zahinułych — haspadyniu kvatery i dźviuch jaje hościaŭ. U vyniku pažaru paškodžany dach i stolevaje pierakryćcio budynka, ścieny kvatery.
Taksama zakuranyja ścieny ŭ sumiežnaj niežyłoj kvatery. Astatnija kvatery doma ŭ vyniku pažaru nie paciarpieli.
Mierkavanaja pryčyna pažaru — parušeńnie praviłaŭ ekspłuatacyi hazavych pryład i ahrehataŭ.