Fanataŭ BATE, jakija padtrymali ŭkraincaŭ, teraryzuje milicyja i KDB
U Barysavie orhany pravaparadku abviaścili sapraŭdnaje palavańnie na zaŭziataraŭ. Heta pačałosia paśla źjaŭleńnia ŭ internecie fatahrafii ŭ padtrymku ŭkraincaŭ. Ludziej pačała «tuzać» milicyja i KDB.
Adnamu z chłopcaŭ ŭžo dali 5 sutak aryštu za toje, što jaho, nibyta, apaznali na zdymku.
I heta z ulikam taho, što ŭsie abliččy na fatahrafii zafarbavanyja i pa joj niemahčyma ŭstalavać asobu čałavieka. Paśla taho jak barysaŭca ŭ sieradu ŭviečary zaprasili na hutarku ŭ milicyju, dadomu jon užo nie patrapiŭ.
A ŭ čaćvier adbyŭsia zakryty sud, na jakim zaŭziataru BATE i abviaścili prysud za «parušeńnie ustanoŭlenaha paradku praviadzieńnia schodu, mitynhu, vuličnaha šeścia, demanstracyi, pikietavańnia…»
Taksama adznačyć, što ludziej teraryzujuć zvankami svajakam i siabram, pry hetym nie dasyłajučy nikomu pozvaŭ.