Zaŭtra, 1 lutaha – litaraturna-muzyčny fest, pryśviečany Kalinoŭskamu
Dzień naradžeńnia Kastusia Kalinoŭskaha vyrašyli adznačyć litaraturna-muzyčnym festam.
Kiraŭnik vyzvolnaha paŭstańnia 1863 –1864 hadoŭ naradziŭsia 2 lutaha. A na dzień raniej, 1 lutaha, u Pałacy mastactvaŭ projdzie impreza. Mastak Mikoła Kupava zadumaŭ jaje jašče letaś.
Jak paviedamiŭ Kupava, u feście prymuć udzieł paety Aleś Razanaŭ, Siarhiej Paniźnik, Michaś Skobła i Hienadź Tumaš. Siarod bardaŭ – Viktar Šałkievič, Źmicier Bartosik, Uładzimir Dryndrožyk, Andruś Takindanh, Taćciana Matafonava z synam Adasiem, Jaŭhien Vałošyn, Natalla Puškarova, Raman Jaraš, Hanna Vałyniec, Alesia Sivochina, Jaryna Lecka.
Płanujecca, što na feście prahučać pieśni Siaržuka Sokałava-Vojuša. Jak kaža Kupava, u muzyčnaj častcy akcent zrobleny na vystupleńni maładych tvorcaŭ.
Abaviazkovaj umovaj udziełu była najaŭnaść tvoraŭ, źviazanych z asobaj Kalinoŭskaha i padziejami paŭstańnia.
Tamu šmat vieršaŭ i muzyčnych kampazicyj prahučać upieršyniu.
Litaraturna-muzyčny fest pačniecca 1 lutaha ŭ Pałacy mastactvaŭ (vulica Kazłova, 3). Pačatak a 18-j.