Minadukacyi vitaje žadańnie nastaŭnikaŭ vykładać niekatoryja pradmiety pa-biełarusku
Ministerstva adukacyi vitaje žadańnie nastaŭnikaŭ vykładać niekatoryja pradmiety na biełaruskaj movie. Pra heta ŭ piatnicu, 31 studzienia, na kruhłym stale pa prablemach maładych piedahohaŭ, jaki adbyŭsia padčas III Respublikanskaha fiestyvalu piedahahičnaha majsterstva «Piedahoh-majstar — maładomu nastaŭniku», zajaviŭ namieśnik ministra adukacyi Biełarusi Vasil Budkievič, adkazvajučy na pytańnie maładych piedahohaŭ, čamu padručniki pa pradmiecie «historyja Biełarusi» vydajucca na ruskaj movie.
«Kali ŭ vučnia jość žadańnie vyvučać, a ŭ nastaŭnika vykładać pradmiet na biełaruskaj movie, to hetamu nichto nie pieraškadžaje. My stavim zadaču, kab u ruskamoŭnych škołach padručniki pa historyi i hieahrafii byli ŭ dvuch varyjantach — na ruskaj i biełaruskaj movach. Tamu heta štučna stvoranaja prablema. Ja, jak i vy, liču, što było b pravilna vykładać historyju Biełarusi na biełaruskaj movie», — skazaŭ Vasil Budkievič.