U Minsku milicyja razahnała akcyju pa razdačy biaspłatnaj ježy biazdomnikam
dapoŭniena
fota TUT.by
U rajonie st. mietro «Uschod» u Minsku siońnia, 2 lutaha, była spyniena akcyja aktyvistaŭ inicyjatyvy «Ježa zamiest bomb», udzielniki jakoj razdavali biaspłatnuju jedu biazdomnikam.
Jak paviedamiŭ karespandentu «Našaj Nivy» aktyvist inicyjatyvy Valera, padčas akcyi da ich padyšli try supracoŭniki milicyi, prymušali syści ŭ dvary, a Valeru zahadali sieści ŭ mašynu. Ale aktyvisty i miascovyja žychary zabłakavali jaje, nie davali vyjechać. Praź niejki čas pryjechała dadatkovyja siły milicyi i chłopca źvieźli ŭ RAUS, dzie pierapisali dadzienyja i adpuścili.
«Ježa zamiest bomb» pravodzić inicyjatyvu kožny tydzień u 3 kropkach horada, pastajanna padkarmlivajuć biazdomnikaŭ biaspłatnaj ježaj, ale apošnim časam na ich pačali znoŭ cisnuć.