Jeŭraparłamient zaklikaŭ da sankcyj suprać Janukoviča
Jeŭrapiejski parłamient zaklikaŭ krainy — členy ES da padrychtoŭki piersanalnych sankcyj suprać ukrainskich čynoŭnikaŭ, zakanadaŭcaŭ, aliharchaŭ, jakija majuć dačynieńnie da razhonu Majdanu i śmierciaŭ aktyvistaŭ.
U prajekcie rezalucyi ŭ pryvatnaści prymajuć da ŭvahi toje, što va Ukrainie ŭžo bolš za dva miesiacy praciahvajucca pratesty suprać dziejańniaŭ ułady, a niezadavolenaść raspaŭsiudziłasia ŭ rehijony.
Vykazvajecca zaniepakojenaść tym, što, niahledziačy na mižnarodny cisk, ukrainskaja ŭłada praciahvaje pravodzić palityku zapałochvańnia, represij, katavańniaŭ i hvałtu ŭ dačynieńni da demanstrantaŭ.
Adznačana, što luby hvałtoŭny razhon demanstrantaŭ abo nadzvyčajnaje stanovišča budzie ličycca kryminalna karanym dziejańniem i parušeńniem asnoŭnych pravoŭ, budzie mieć surjoznyja mižnarodnyja nastupstvy.
Pieršym punktam vykazvajecca padtrymka ŭkrainskaha narodu, jaki adstojvaje svabodnuju, demakratyčnuju niezaležnuju Ukrainu i jaje jeŭrapiejskuju pierśpiektyvu.