Milicyja znoŭ razahnała razdaču ježy biazdomnym. «Studenty za svaje hrošy nas kormiać!» VIDEA
Aktyvisty inicyjatyvy «Ježa zamiest bomb» sabralisia siońnia ŭ skviery Balivara, kab nakarmić biazdomnych.
Jašče da pačatku razdačy ježy ŭ skviery byli zaŭvažanyja «cichary», pieraapranutyja ŭ vałacuh. Adrazu paśla pačatku razdačy pryjšli milicyjanty. Jany dali aktyvistam 5 chvilin na toje, kab razyścisia, adnak tyja ŭsio ž paśpieli raźlić sup i harbatu. U toj ža čas pieraapranutyja «cichary» taksama častavalisia supam.
Padobnyja situacyi apošnim časam uźnikajuć vielmi časta. Aktyvistaŭ ruchu «Ježa zamiest bombaŭ», jakija za ŭłasnyja hrošy hatujuć haračyja stravy dla biazdomnych, razhaniaje i zatrymlivaje milicyja.