Fiaduta: Moža być, Natan Ščaranski adkaža pasłu Šahału?
Były palitviazień Alaksandr Fiaduta prakamientavaŭ vykazvańni pasła Dziaržavy Izrail u Biełarusi Iosifa Šahała pra toje, što biełaruskija «palitviaźni» — kryminalniki.
«Advažusia nahadać spadaru Šahału, što z punktu hledžańnia Savieckaha Sajuza i jaho satelitaŭ Natan Ščaranski byŭ zvyčajnym kryminalnikam i asudžany byŭ pavodle artykuła kryminalnaha kodeksa SSSR.
Nahadaju taksama spadaru Šahału, što, z punktu hledžańnia Hiermanii i jaje satelitaŭ, Karł fon Asiecki byŭ zvyčajnym kryminalnikam i asudžany byŭ pavodle artykuła kryminalnaha kodeksa Hiermanii.
Spadziajusia, što choć by ŭ hetych pytańniach punkt hledžańnia pradstaŭlenaj im dziaržavy nie supadaje z punktam hledžańnia Michaiła Susłava i Alfreda Rozienbierha. Ci ŭsio ž taki supadaje?
I vielmi chaciełasia b, kab urad Izraila ŭ asobie premjer-ministra publična abo padtrymaŭ svajho pasła, abo asudziŭ jaho. A taksama vykazaŭ svajo staŭleńnie nie tolki da punktu hledžańnia Polščy, pra jakuju asabliva skazaŭ spadar Šahał, ale i da punktu hledžańnia Złučanych Štataŭ Amieryki. Jano niejak spakajniej budzie dla ŭsich — kali punkty hledžańnia viadomyja…».