Siońnia: «Cmoki» – «Azoŭmaš»
Fota Siarhieja Hudzilina.
Vielmi važny matč u Adzinaj lizie VTB praviaduć minskija «Cmoki». Pakul kamanda znachodzicca na miažy traplańnia ŭ płej-of, kab prajści dalej im treba abaviazkova pieramahać kamandu z Maryupala.
Na siońniašni dzień «Cmoki» majuć čatyry pieramohi ŭ dvanaccaci hulniach i zajmajuć u hrupie siomaja miesca. «Azoŭmaš» z tryma pieramohami ŭ trynaccaci hulniach na apošnim radku. Pieramoha vielmi važnaja.
Jašče niemałavažny faktar. «Cmokam» vielmi važna spynić sieryju parazaŭ u Adzinaj lizie VTB. Ich užo šeść zapar. Zdajecca, «Azoŭmaš» jakraz vielmi zručny supiernik dla hetaha.
Pačatak a 13. Hulnia projdzie na «Minsk-Arenie». Usie na baskietboł!