Kreml: Za padziei ŭ Kijevie adkazvajuć ekstremisty, apazicyja i Zachad
Pra heta zajaviŭ kiraŭnik MZS RF Siarhiej Łaŭroŭ, paviedamlajuć RIA Novosti.
«Biezumoŭna, vina lažyć na ekstremistach, jakija ŭsie hetyja tydni, miesiacy imknulisia davieści situacyju da takoha siłavoha scenara. Ale surjoznaja dola adkaznaści i na apazicyjanierach, jakija admaŭlalisia ad kampramisaŭ, vyłučali patrabavańni pa-za ramkami pravavoha pola i ŭ vyniku apynulisia nie ŭ stanie vykanać toje, pra što damaŭlalisia, u tym liku ŭ parłamiencie. Nie mahu nie skazać i ab toj adkaznaści, jakuju niasuć mnohija zachodnija krainy, jakija ŭsialak sprabavali ŭmiešvacca ŭ chadu padziej, zaachvočvali apazicyju da dziejańniaŭ pa-za pravavym polem, navat prosta časam padłaščvalisia z bajevikami», - zajaviŭ Łaŭroŭ pa vynikach pieramoŭ z kiraŭnikom MZS Kuviejta šejcham Sabacham as-Sabacham.